Ence Pontevedra iniciará o vindeiro luns a súa parada técnica anual

Ence Pontevedra iniciará o vindeiro luns a súa parada técnica anual

· Aplicaranse estritas medidas de seguridade e prevención fronte á Covid-19

Como cada ano, a biofábrica de Ence en Pontevedra comezará o vindeiro luns, 15 de marzo, a súa parada técnica anual, que se desenvolverá previsiblemente ata o día 25 de marzo.

Durante a parada, a planta de Ence someterase, un ano máis, a un exhaustivo programa para incorporar novas tecnoloxías, a fin de seguir reforzando a súa eficiencia, fiabilidade e excelencia ambiental, do mesmo xeito que se fixo recentemente na biofábrica da compañía en Navia, onde a parada técnica ha tido lugar entre os días 1 e 10 de marzo.

No ano 2020, e como consecuencia das excepcionais circunstancias vividas da man da Covid-19, a parada técnica anual de Ence Pontevedra levou a cabo entre os días 6 e 17 de xullo.

En 2021 a biofábrica retoma a súa práctica habitual de efectuar no mes de marzo-abril a parada técnica anual, que supoñerá un investimento aproximado de 2 millóns de euros, en liña co investimento executado tamén en Navia. Unha cantidade que non só destinarase ao mantemento da instalación senón, tamén, á mellora da súa eficiencia e sustentabilidade.

Inmersos como estamos nunha pandemia, a compañía aplicará de forma exhaustiva un estrito protocolo de seguridade fronte ao virus, que se aplicará tanto ás preto de 400 persoas que traballan de forma directa na compañía como ás preto de 700 que, adicionalmente, acudirán á planta nestes días para realizar os labores relacionados coa parada –a maioría das elas, procedentes de Galicia-.

Tanto en Pontevedra como en Navia, de acordo cos índices de incidencia acumulada a 14 días, as medidas de seguridade fronte ao Coronavirus deberían adecuarse a esta situación de risco.

Entre as medidas que se aplicarán para garantir a protección e seguridade fronte á Covid-19, tomarase a temperatura e entregaranse máscaras FFP2 a todos os traballadores propios e externos. Así mesmo, realizaranse test de antígenos cada catro días e controlarase o acceso a través dunha aplicación móbil.

Así mesmo, a compañía distribuirá aos traballadores en diferentes “burbullas”, limitando o contacto e garantindo sempre a distancia de seguridade. Supervisarase, ademais, o cumprimento de todas as medidas de seguridade na contorna da biofábrica, animando a que todas as persoas sexan igualmente prudentes fora da planta.