Caldas de Reis) Duro enfrentamiento PP-PSOE por la calidad del agua presentada como termal

Los Populares de Caldas de Reis acusan aos socialistas galegos de reivindicar as marabillas do termalismo nunha poza artificial de auga non termal e requentada

O Partido Popular critica que os deputados autonómicos do PSOE elixisen as pozas da Tafona de Caldas para promocionar o turismo termal cando son, xustamente, o contrario do que é o termalismo. Para o voceiro dos populares en Caldas, Fernando Pérez, “tendo en conta a importancia que ten o termalismo para o noso concello e para Galicia, é un insulto que precisamente elixan unhas pozas que aínda non están rematadas e son un fraude, o que demostra o descoñecemento absoluto dos deputados autonómicos do PSOE ou ben que queren estafar promocionando unha poza que non ten auga termal”.

Polo tanto, para os populares “o ridículo dos socialistas galegos é espantoso, xa que reivindican as marabillas da auga termal nunha poza que usa auga non termal e requentada. Unha auténtica chapozas que vai contra os intereses da nosa vila e da calidade do noso termalismo”.

O voceiro popular recorda que en Caldas, “desgraciadamente”, non hai ningún manancial de titularidade pública, como así o indican reiteradas sentenzas xudiciais. O único que existe é un convenio asinado entre o Concello de Caldas e un dos balnearios privados a principios do século XX, a través do que cede auga termal para a fonte pública. “Como o convenio di exactamente que a auga é para a fonte pública e non para as pozas, o que fai o alcalde é captar a auga xa usada da burga nun depósito, auga sucia, utilizada e, polo tanto, que xa non é termal nin cumpre coas medidas sanitarias. Esta auga se bombea ata as pozas e alí se requenta”, explica.

Desde o PP de Caldas coinciden en que é fundamental promocionar o termalismo, pero o termalismo real. “Non unhas pozas artificiais, un proxecto faraónico que leva en construción máis de dez anos e no que se leva gastado máis de un millón de euros, pero que ademais non ten auga termal. A auga que usa é reutilizada e sucia da burga”. Ademais, "así o advirten tamén desde as Conselleríasde Sanidade e Industria, xa que ao non haber control sanitario, esa auga utilizada da fonte xa non é termal", concluen os populares.

No hay comentarios:

Publicar un comentario

Nota: solo los miembros de este blog pueden publicar comentarios.