25.000 lámparas led iluminan la Navidad del Castelo de Soutomaior

As tradicións, os valores universais e o imaxinario infantil son o fío condutor da decoración de Nadal no Castelo de Soutomaior que a Deputación de Pontevedra inaugurou esta tarde nun acto festivo que rematou co acendido dunha espectacular iluminación sostible para a que se empregaron ata 25.000 lámpadas led. A emblemática fortaleza engalánase por primeira vez nestas festas e se converte nun espazo de maxia e ilusión, decorado con elementos sustentables e no que se ofrecerán amais distintas sorpresas e propostas de lecer pensadas para grupos de persoas conviventes. A presidenta Carmela Silva, acompañada do alcalde de Soutomaior, Agustín Reguera, e de deputadas e deputados do goberno provincial, estivo presente esta tarde no evento no que tamén participaron un grupo de escolares do concello.