Editors Choice

3/recent/post-list

Ad Code

Responsive Advertisement

Recent in Technology

Fecimo lanza en O Morrazo la tarjeta de fidelización

"RIAS BAIXAS TRIBUNA" es una web que funciona sin ánimo de lucro alguno. Es de agradecer el interés que muestras por esta opción...

A Federación de Comerciantes e Industriais do Morrazo, Fecimo, presenta este 1 de decembro, o lanzamento do proxecto de fidelización baseado no uso de tarxetas do Comercio do Morrazo para que calquera usuario, independentemente da súa procedencia ou residencia, poida formar parte do Club de Clientes do Comercio do Morrazo e obter importantes descontos e vantaxes ao comprar ou consumir en local. De momento, son preto de 80 establecementos de Cangas, Moaña e Bueu, asociados a Fecimo, os que participan no programa de fidelización, pero existe a posibilidade de que o número siga aumentando a medida que avance a campaña. 

 Calquera cliente pode rexistrarse a partir do día 1 de decembro no formulario da web do Comercio do Morrazo www.comerciodomorrazo.com e obter, de forma gratuíta, a tarxeta virtual co seu número identificativo, necesario á hora de facer unha compra para acumular ou descontar o saldo obtido. Outra forma de obtela é solicitándoa directamente no seu establecemento de confianza (sempre que participe na iniciativa) onde se lle entregará a tarxeta física. Nestes locais tamén existe a opción de que o cliente demande tarxetas regalo do Comercio do Morrazo, de forma que aboe directamente o prezo que desexe para que se quede no saldo desa tarxeta e poida regalala a quen queira para gastar no comercio local participante. O lanzamento destas tarxetas regalo, que se entregarían fisicamente neses negocios, coincide cunha época moi boa para poder sacar ideas e aproveitar os regalos que se fagan en Nadal. 

Son moitas as vantaxes de participar e pertencer a este club, xa que, coa tarxeta, poderase participar en tódolos sorteos que se realicen dende a federación (como a campaña de nadal que se levará a cabo a partir do 7 de decembro), usar as promocións de cada negocio participante, acumular saldo con cada compra ou consumición que se realice e gastalo cando se queira nas seguintes compras obtendo así vantaxosos e importantes descontos ou mesmo compras gratis. Ademais, servirá como método para fortalecer o tecido comercial da comarca e axudar e apoiar, nestes difíciles tempos que corren, a todos eses negocios locais imprescindibles nas nosas vilas que enriquecen e invisten nas nosas rúas. 

 "Ao final, dende Fecimo dámoslle ao cliente a oportunidade de decidir o seu grao de implicación co comercio local nunha iniciativa que non ten data de caducidade para toda a comarca do Morrazo, Cangas, Moaña e Bueu", refere David Servia, responsável de Comunicación de Fecimo.


FECIMO PRESENTA O LANZAMENTO DAS 

TARXETAS DE FIDELIZACIÓN PARA QUE OS

CLIENTES FORMEN PARTE DO CLUB 

DO COMERCIO DO MORRAZO E POIDAN OBTER

MÚLTIPLES BENEFICIOS





Publicar un comentario

0 Comentarios

Ad Code

Responsive Advertisement