No está viviendo su mejor momento el sector vitivinícola gallego por las repercusiones que está teniendo en su economía el confinamiento decretado por el coronavirus. Pero no por ello puede cesar en su actividad o dejar de pensar en la próxima cosecha, que ya empieza a dar sus primeros pasos y precisa atención constate y cuidados. La vid ha brotado en prácticamente las cinco denominaciones de origen gallegas, aunque en algunas el estado fenológico de la planta está más avanzado que en otras. Y todos los técnicos consultados están de acuerdo en que este año llega con un pequeño adelanto, de entre una y dos semanas dependiendo de la zona. En las denominaciones interiores, como Ribeira Sacra, Monterrei, O Ribeiro y Valdeorras están preocupados por las heladas.
AREEIRO ALERTA SOBRE A PRESENZA DO MILDIU NAS VIÑAS E RECOMENDA APLICAR TRATAMENTOS ANTES DE QUE SE PRODUZAN NOVAS CHOIVAS
O centro dependente da Deputación de Pontevedra suxire tamén incrementar a vixilancia sobre outras patoloxías da viña propiciadas pola humidade
A Estación Fitopatolóxica Areeiro, centro da Deputación de Pontevedra, acaba de lanzar un novo aviso fitosanitario na súa web no que alerta sobre a presenza do mildiu nas viñas, favorecido pola climatoloxía de tipo tormentoso e inestable dos últimos días, e no que recomenda a aplicación de tratamentos contra esta patoloxía.
Deste xeito, nas revisións efectuadas pola EFA constatouse a aparición das primeiras manchas nas parcelas de seguimento que aínda non tiñan manifestado a enfermidade, e tamén naquelas onde xa se aplicara o primeiro tratamento e noutras de diferentes variedades, onde a situación era a mesma. A responsable dos avisos sanitarios, Rosa Pérez Otero, subliñou que en ningún caso se atoparon síntomas en acio e as manchas eran moi recentes, con frutificación apenas iniciándose, salvo nas zonas de avance a partir de manchas antigas. Ademais, outros técnicos e viticultores da práctica totalidade de comarcas informaron a Areeiro desta mesma circunstancia. Por esta razón, e debido tamén a que as previsións meteorolóxicas seguen a anunciar tempo inestable a partir da fin de semana, a EFA recomenda aplicar un novo tratamento antes de que se produzan novas choivas, salvo que xa se aplicara nestes días e que na revisión das viñas se poida comprobar que non aparecen novos síntomas nin zonas de avance nos antigos.
Pérez Otero engade que nas xornadas seguintes á aplicación é preciso revisar as viñas, especialmente se esta se realizou con algo de vento, con humidade nas follas, ou se choveu ao pouco de finalizala. En todos os casos, recoméndase extremar a vixilancia.
Doutra banda, o aviso fitosanitario refírese tamén ao oídio das viñas. Areeiro lembra que as condicións climatolóxicas destes días son relativamente favorables a este patóxeno, pero segundo a tendencia dos últimos anos en xeral é cedo para que aparezan os primeiros síntomas. Aínda así, aconséllase incrementar a vixilancia.
No caso do black-rot, esta semana notouse un incremento na presenza de síntomas nas plantas da viña abandonada do Condado onde se detectara e tamén aumentou o número de parcelas con algunha pequena mancha. Por esta razón, a responsable dos avisos da EFA suxire manter a vixilancia e, nas viñas con historial desta enfermidade, elixir materias activas con efecto tamén fronte a este patóxeno, pero dando prioridade a aquelas que teñan efecto curativo fronte ao mildiu.
No que atinxe á botrite, non apareceron apenas síntomas desta enfermidade nas viñas revisadas, aínda que coa previsión de choivas de cara á fin de semana, Areeiro recomenda incrementar novamente a vixilancia.
Doutra banda, a EFA destacou o incremento de caracois e babosas, que están a deixar algunhas follas moi afectadas. Nas plantas adultas estes animais non deberían causar maiores problemas, pero en plantacións novas, se a presenza de danos é alarmante, os viticultores poden aplicar no solo algún produto autorizado en viña a base de fosfato férrico ou metaldehído, as dúas únicas materias activas que para estas pragas aparecen no Rexistro de Productos Fitosanitarios do Ministerio.
Hai que lembrar que mentres permaneza o estado de alarma decretado polo COVID-19, a EFA reduce os percorridos polos cultivos da provincia fronte ao que é a rede de seguimento habitual, que está formada polas parcelas de seguimento da propia Estación Fitopatolóxica, outras fincas visitadas e os datos aportados por técnicos e viticultores. Areeiro destaca que, aínda así, é convinte confirmar a situación particular de cada finca, recomendación que cobra máis importancia nestes momentos. Mañá, día 23 de abril, a EFA ten previsto publicar un novo aviso relativo a outros cultivos.
Social Plugin