EN RESUMEN_$type=three$m=0$rm=0$h=400$c=3$show=home

PORTADA_$type=slider$count=6$rm=0$show=home

"rbtribuna") Por el final de las absurdas fronteras (políticas, sociales, burocráticas, económicas...) que aún subsisten entre España (singularmente Galicia) y Portugal...y que tanto perjudican a la ciudadanía ibérica

" O futuro dos museos, recuperar e imaxinar" : a Xunta de Galicia celebra o Día dos Museos

A Xunta de Galicia celebra o Día dos Museos, o vindeiro martes 18 de maio, coa organización de múltiples actividades nos centros museísticos...

A Xunta de Galicia celebra o Día dos Museos, o vindeiro martes 18 de maio, coa organización de múltiples actividades nos centros museísticos xestionados pola Consellería de Cultura, Educación e Universidade. Trátase dun conxunto de máis de 30 actividades presenciais e en liña que abranguen obradoiros, visitas guiadas ou concertos, entre outros. 

Baixo o lema O futuro dos museos, recuperar e imaxinar escollido este ano polo Consello Internacional dos Museos (ICOM), porase o foco na progresiva incorporación e transformación dixital nos museos galegos. As celebracións deste ano estarán marcadas tamén pola recente entrada en vigor da primeira lei galega que regula de forma autónoma e independente estes centros e que supón contar con eficaces ferramentas e cunha regulación máis detallada e precisa.


As conmemoracións do Día Internacional dos Museos terán como acto central o propio 18 de maio un acto institucional presidido polo conselleiro de Cultura, Educación e Universidade, Román Rodríguez desde o Centro de Arte Contemporánea de Galicia (CGAC) e coa participación dos responsables dos museos da Xunta de Galicia


A Coruña

No que se refire á programación,  na cidade da Coruña, o Museo de Belas Artes ofrece hoxe sábado visitas guiadas á colección ás 12,00, ás 18,00 e ás 20,00 horas. Nesta mesma xornada, desenvolveranse obradoiros en familia e o concerto de Paul Álvarez Project, unha proposta musical que fusiona flamenco e jazz e que se poderá seguir tamén en liña. O martes haberá novamente visitas guiadas á colección, coa idea de desfrute da arte como fío condutor, ás 12,00, 18,00 e 19,00 h.   


Tamén no marco desta conmemoración, o museo presentará o mércores 19 o proxecto Audioguías emocionais, realizado co IES Menendez Pidal, no que a partir dunha selección de obras do museo, o alumnado participante contará as emocións que lles causou a obra escollida. Finalmente, representarase o sábado 22 o espectáculo teatral Manuela é unha inuit, de Sr. López Producións.


Santiago de Compostela

En Compostela, o Museo das Peregrinacións e de Santiago organiza para hoxe sábado un obradoiro de ilustración nos soportais do museo, co ilustrador e humorista gráfico Xosé Tomás, e, pola tarde, terá lugar o  monólogo de Paula Carballeira Os camiños máis longos. A celebración continúa o domingo 16 co concerto Cores, contos e rock´roll con Ramona Órbita, unha proposta multidisciplinar e interactiva dirixida á cativada, chea de música, creatividade e diversión. O martes 18 volverá a música ao museo con Abraham Cupeiro e o seu traballo Resoando no pasado, un achegamento á historia da música.

Pola súa banda, o Centro Galego de Arte Contemporánea (CGAC) programou para a vindeira semana un conxunto de actividades para todos os públicos vencelladas coa música, as artes audiovisuais, a arquitectura e as exposicións. Así, os días 18 e 19 desenvolveranse dúas sesións do obradoiro en liña Escoita profunda, e do 20 ao 22 haberá un ciclo de proxeccións abertas ao público arredor de Pauline Oliveros. O sábado 22 terá lugar unha ruta arqueolóxica por Santiago, partindo do CGAC e o domingo, as persoas que se acheguen ao museo ás 12,00 h poderán participar nunha visita guiada ás actuais exposicións do centro. 


Na Cidade da Cultura, ao longo de toda a xornada do 18 de maio, o Museo Centro Gaiás apostará pola programación en liña e os novos formatos para achegar o seu programa expositivo aos fogares de toda a cidadanía, ofrecendo nesta efeméride visitas en liña e en aberto á exposición Faraón. Rei de Exipto, que está a bater marcas de asistencia entre o público.  Así, de 10,00 a 14,00 horas desenvolverase o programa de visitas en liña para centros escolares, un novidoso sistema a través de videoconferencia no que os centros de ensino poderán coñecer de primeira man os contidos da exposición desde a súa propia aula. 


Ás 17,00  terá lugar –neste caso destinada a todo o público interesado– unha visita en liña tamén á exposición Faraón. Rei de Exipto, que se pode seguir de balde a través de videoconferencia inscribíndose nesta ligazón ou na web da Cidade da Cultura. A programación do Día dos Museos no Gaiás inclúe tamén a estrea en Santiago de Compostela de Formas da Aparencia, peza audiovisual da artista Verónica Vicente creada dentro das Residencias Artísticas do Gaiás REGA, en colaboración co RESIS Festival. A peza poderá verse en pantallas proxección ao longo de toda a xornada, no andar primeiro e segundo do Museo Centro Gaiás.


Ourense

En Ourense, o Museo Arqueolóxico Provincial ofrecerá o martes 18 a actuación de Quico Cadaval A memoria reimaxinada, no Liceo de Ourense, que se poderá seguir tamén en liña a través das redes sociais. Ademais, no marco desta conmemoración, este centro está a desenvolver en diversos centros educativos os obradoiros didácticos para a rapazada O meu, o teu, o noso museo. Xunto a eles, programouse tamén unha actividade didáctica para escolares de Primaria na que deberán crear o seu propio museo a partir de pezas do Arqueolóxico Provincial. 


Por outra banda, ata o 13 de xuño proxectarase sobre o edificio do museo na Praza Maior o vídeo Pasado, presente e futuro, no que se amosan imaxes do centro en diferentes épocas e a recreación de como quedará tras as obras que se están acometendo nel.


O Museo Etnolóxico de Ribadavia ofrece mañá sábado un concerto de música folk, a cargo de Antonio Luis Pedraza, co seu traballo Fierro. Un viaje musical a la despoblación. O vindeiro venres 28, terá lugar a presentación da colaboración entre o centro museístico e o CIFP Portovello de Ourense, a través do Proxecto Museo Aberto 2021 A escola na memoria. Tamén se desenvolverá un obradoiro de pesca fluvial co IES do Ribeiro. Ademais, o martes 18 difundirase a través das redes sociais do museo un vídeo cun percorrido polo centro.


O Museo do Viño de Galicia, situado tamén en Ribadavia, utilizará as redes sociais para difundir a partir do martes pílulas audiovisuais de adegueiros e colleiteiros de diferentes denominacións de orixe para abordar o saber tradicional na elaboración actual dos viños


Pontevedra

Na provincia de Pontevedra, o Museo do Mar, en Vigo, organizou unha xornada de portas abertas para o martes 18, de xeito que nesta data se poderá visitar todo o centro de balde. O Museo Massó, en Bueu, tamén está a desenvolver todos os sábados deste mes visitas guiadas gratuítas, de 12,30 a 14,30 horas, ademais de ofrecer os obradoiros en liña para toda a familia Origami mariño, Esta ría é un chollo e Corseando cos Bolechas no museo, a través do seu blog.


Lugo

En Lugo, o Museo do Castro de Viladonga ofrecerá a través da súa web e das redes sociais o concerto de Germán Díaz, gravado en diferentes localizacións do centro. A maiores, a través destas canles poderase ver un recompilatorio audiovisual das Noites dos museos desde 2015.


 

Nombre

-A EURORREGIÂO,285,-CORTOS Y DIRECTOS,27,-EL OCIO-TURISMO,70,-FRONTERAS,96,-LA CULTURA,69,-LA EURORREGIÓN,266,-LA VIDA,265,-Las Cosas de la Vida,2,-LAS OPINIONES,69,-LAS PERSONAS,95,-LOS DEPORTES,266,-m,1,-MAIS PORTUGAL,115,-MÁS ESPAÑA,76,-Ocio/Deportes/Espectáculos,1,-PORTADA,204,-PORTADA),484,-Y ADEMÁS...,286,+ GALICIA,1,1-EURORREGIÓN,329,10-OCIO-ESPECTACULOS,35,11-PORTUGAL TAMBIÉN,89,12-ESPAÑA TAMBIÉN,42,13-MÁS DE PORTADA,8,2-GALICIA,104,3-PORTUGAL,41,4-LAS COSAS DE LA VIDA,250,5 ASUNTOS DE PORTADA EN RÍAS BAIXAS TRIBUNA,459,5-OPINIÓN,82,6-OCIO-DEPORTES-ESPECTÁCULOS,155,7-MÁS EURORREGIÓN,151,8-EL ÚLTIMO PARTE,48,CAJÓN DE SASTRE,303,CLAVE INFORMATIVA,108,CORONAVIRUS,74,CORTOS Y LARGOS,13,CUADERNO FINAL,96,CULTURA Y ESPECTÁCULOS,19,CULTURA-SOCIEDAD-MEDIA,51,DEPORTES,306,EL ÚLTIMO PARTE,69,ESPAÑA,292,ESTAS TIERRAS Y ESTAS GENTES,12,EURORREGIÂO,16,EURORREGIÓN,35,EURORREXIÓN,39,FERROCARRIL,302,GALICIA,1121,GALICIA SUR,102,GRANDE REPORTAGEM,18,INTERNACIONAL,73,LA MIRILLA,69,LAS COSAS DE LA VIDA,582,LOS DEPORTES,16,MAIS PORTUGAL,23,MÁS ESPAÑA,8,MÁS GALICIA,186,MASS-MEDIA,515,Medios de Comunicación,10,OCIO,170,OCIO-ESPECTÁCULOS,147,OCIO-TURISMO,217,OPINION,121,OTRA PORTADA,10,PIE DE FOTO,23,PONTEVEDRA,187,PORTADA,39,PORTUGAL,570,PORTUGAL NORTE,66,PRIMER CUADERNO,110,PROVINCIA,577,PUNTOS DE VISTA,16,REPORTAJES,2,REPORTAJES-ARTÍCULOS,40,RETRATOS,88,SPORTING DE BRAGA,175,TAUROMAQUIA,155,VIGO,182,
ltr
item
RÍAS BAIXAS TRIBUNA: " O futuro dos museos, recuperar e imaxinar" : a Xunta de Galicia celebra o Día dos Museos
" O futuro dos museos, recuperar e imaxinar" : a Xunta de Galicia celebra o Día dos Museos
RÍAS BAIXAS TRIBUNA
https://www.riasbaixastribuna.com/2021/05/o-futuro-dos-museos-recuperar-e.html
https://www.riasbaixastribuna.com/
https://www.riasbaixastribuna.com/
https://www.riasbaixastribuna.com/2021/05/o-futuro-dos-museos-recuperar-e.html
true
1496149115088572514
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content