Deputación) Carlos Font se enzarza con Pepa Pardo por la sentencia sobre liquidación del IVA

O deputado Carlos Font cualificou hoxe de “broma pesada” as invectivas da popular Pepa Pardo e o seu “pretendido” intento de desgastar ao goberno provincial tras a recente sentenza sobre a liquidación do IVA de 2017. “Non poden enganar a ninguén porque todo o mundo sabe cando e como se orixinou ese conflito. Foi froito dunha decisión, dun atropelo infame dun ministro do Partido Popular, Cristóbal Montoro, e cun pontevedrés no goberno de España que era Mariano Rajoy”.

Font aconsellou á deputada popular que “polo menos siga os debates e lea as mocións presentadas polo goberno provincial nestes últimos anos, porque a Deputación de Pontevedra leva desde o minuto un reclamando as cantidades que Montoro nos furtou con aquela decisión”. “É incomprensible, reprocha, que o PP poida ter o descaro de pretender achacar a outros unha responsabilidade que é exclusivamente súa”.

O deputado do goberno provincial ironizou ao rematar que “en todo caso, agradecemos a Pepa Pardo e ao grupo popular que despois de anos tan caladiños e caladiñas, se sumen agora a aquela reivindicación. Benvidas e benvidos aínda que, como sempre, chegan tarde e mal”.

No hay comentarios:

Publicar un comentario

Nota: solo los miembros de este blog pueden publicar comentarios.