"O APALPADOR") Diputada nacionalista celebra el éxito alcanzado esta Navidad

O percorrido do Apalpador –máis o seu burriño de madeira e o acordeonista Servando Barreiro- nestas festas polos concellos da provincia  de Pontevedra foi “o máis vistoso e participativo dos últimos cinco anos” a pesares de ter que enfrontarse ás restricións da COVID-19 e á chuvia, o vento e a neve. A deputada nacionalista María Ortega, responsable do departamento organizador, manifestou a súa satisfacción pola boa collida tanto dos pasarrrúas nos municipios como dos vídeos gravados polo Apalpador en espazos patrimoniais difundidos nos centros de ensino: “Superamos o reto”, afirmou, uníndose ás verbas do propio Apalpador recreado por Anxo Moure, quen asegurou que durante o Nadal “encabezamos a loita contra a tristura da xente e a resistencia á cultura”.

María Ortega explicou que puidéronse celebrar todos os pasarrúas previstos salvo o do Concello de Baiona, que se decidiu cancelar pola alta incidencia da COVID-19. No resto das localidades, cumprindo estritamente os protocolos sanitarios e sen ningunha incidencia, o Apalpador visitou as rúas no que “foi, sen dúbida, o mellor proxecto de animación dos que levamos desenvolvidos nestes cinco anos, a maior participación de público, o público máis diverso (dende bebés a anciáns, persoas con diversidade funcional e mesmo os habitantes das terrazas dos bares) e con maior vistosidade. Foi o reto máis grande enfrontándonos ao Covid e ao tempo chuvioso, temporais e mesmo vento endiañado, xiadas imposibles e a mesma neve”, apuntou Moure.

Na comarca de Pontevedra foron tres as visitas do Apalpador (Barro, Poio e Cerdedo-Cotobade), na comarca de Vigo tres (Soutomaior –onde fixo un ‘bis’-, Gondomar, e O Porriño), na comarca do Salnés dúas (Illa de Arousa e Cambados), na comarca do Deza-Tabeirós dúas (Silleda e Rodeiro), tres na comarca do Condado Paradanta (As Neves, Covelo, e Ponteareas), catro na comarca do Morrazo (Bueu, Moaña, Cangas, e Vilaboa), e catro no Baixo Miño (Salceda, Tomiño, O Rosal, e Tui).



No hay comentarios:

Publicar un comentario

Nota: solo los miembros de este blog pueden publicar comentarios.