BREAKING NEWS
latest

468x60

header-ad

Visto bueno a la nueva cubierta del Pabellón de Deportes de Arbo

"RIAS BAIXAS TRIBUNA" es una web que funciona sin ánimo de lucro alguno. Es de agradecer el interés que muestras por esta opción...


O Director Xeral para o Deporte da Xunta de Galicia, Jose Ramón Lete Lasa e o alcalde de Arbo, Horacio Gil, deron o visto e prace á conclusión dos traballos de reforma do tellado do Pavillón de Deportes de Arbo. O importe da obra que foi realizada por unha empresa de Arbo ascendeu a 46.933,12€.-

O pasado 15 de xuño o alcalde do Concello de Arbo, asinaba un convenio de colaboración co Secretario Xeral para o Deporte da Xunta de Galicia para a execución de obras de mellora no Pavillón polideportivo municipal.
No ano 2019, tamén se asinaba un convenio con esta administración para realizar tamén obras nos vestuarias neste edificio municipal e a colocación de porterias no campo de futbol.
Nesta segunda fase das melloras no pavillón, realizouse a mellora na cuberta deteriorada co paso dos anos. Coas obras realizadas para a mellora do pavillón, buscouse frear as filtracións de auga no interior do edificio e reparar os danos existentes ata o momento, impedindo que continue deteriorándose a instalación, o que suporía un risco para os usuarios do pavillón e un gasto superior se non se frea a entrada de auga para o vindeiro inverno.
A reforma do pavillón inscríbese dentro do programa de mellora da rede deportiva de Galicia que promove a administración autonómica.

"A necesidade da actuación era determinada pola importancia da instalación na promoción da práctica de actividade física e deportiva entre a poboación do Concello da Arbo en xeral", "informa o alcalde do Concello de Arbo, Horacio Gil. "Polo tanto, é unha actuación imprescindible para continuar co uso do pavillón e para que non se creen deterioros maiores, así como coa contratación a empresas locais, preténdese reactivar a economía deste colectivo afectado polo COVID-19", engadiu Gil. 

O investimento enmárcase dentro do compromiso da Xunta de Galicia de favorecer aos pequenos concellos e de seguir impulsando o deporte entre todos os colectivos. 
O rexedor de Arbo agradece a colaboración da administración autonómica e na sensibilidade mostrada con este Concello nos ultimos anos, tendo en conta que se realizaron varias obras en distintos locais deportivos coas achegas da administración autonómica.





« PREV
NEXT »