Susana del Río dejó mensajes de esperanza sobre Europa en la tribuna de Deputación

Susana del Río Villar (Madrid 1966) una de las voces que más luz pueden arrojar sobre la política europea, profesora del Centro de Estudios Políticos y Constitucionales, conferenciante, analista y experta sobre la Comisión Europea, doctora en Ciencia Política, miembro de la Academia Europea de Ciencias y Artes desde 2018, autora de tres libros sobre la política europea, promotora del proyecto "Una Europa que Une" pasó hoy por una tribuna a distancia telemática promovida por la Deputación de Pontevedra.
SUSANA DEL RÍO MOSTRA O SEU OPTIMISMO SOBRE A SAÍDA DA CRISE “COA TOTAL IMPLICACIÓN DA UNIÓN EUROPEA QUE AGORA É MOI CONSCENTE E ESTÁ ACTUANDO”
A experta en políticas europeas protagonizou unha conferencia telemática que organizou a Deputación de Pontevedra para celebrar o Día de Europa
A importancia de contar cunha Europa solidaria, que aporte recursos a través dun plan estrutural para facer fronte ás consecuencias do Covid 19, e co optimismo e confianza na Unión Europea da que “dependemos para facer fronte a esta situación tan terrible” foron algunhas das conclusións da conferencia telemática “Que Europa necesitamos?”, impulsada pola Deputación de Pontevedra para celebrar o Día de Europa. 
Na conferencia telemática, que presentou a presidenta provincial Carmela Silva e que seguiron máis dun centenar de persoas inscritas, a experta en asuntos europeos Susana del Río, mostrou o seu optimismo en que “a pesar das dificultades e dalgunhas respostas que puideron decepcionar nos primeiros días, a día de hoxe estou convencida de que no curto prazo, dende a Unión Europea, coordinados con coherencia e total transversalidade, imos ser moi capaces de saír desta situación e vencer xuntas e xuntos ao Covid 19”. Del Río foi máis aló ao asegurar que “sabemos que non haberá estigmas. A sinal do Eurogrupo foi moi forte de que todos somos Unión Europea, que todos somos necesarios e que non habería diferenzas entre o Norte e o Sur”.
A experta comunitaria dixo que na Unión son moi conscientes en que a súa actuación é fundamental. “É precisa unha democracia europea supranacional representativa, de calidade” e conducir a política desde a gobernanza multinivel, na que se fomente a participación “elixindo políticas concretas e facendo gran política, impulsando a transversalidade, a unión e integración dende o local e o máis próximo á cidadanía ao europeo, seguindo o principio de subsidiariedade para poder vertebrar e dar resposta ás demandas da nosa cidade, do noso país e do conxunto da Unión Europea”.
Susana del Río tamén confirmou que a Unión europea “púxose xa en marcha e está a traballar de xeito conxunto, solidario, desde todos os niveis de actuación e decisión política para afrontar esta situación. Imos ser moi capaces de saír desta situación e de elevar a Unión Europea ao que verdadeiramente é”. Neste eido, Del Río incidiu ao igual que Silva na solidariedade e na importancia do traballo conxunto: “hai que deixar de lado os egoísmos nacionais e vertebrar unha resposta común, solidaria, construír máis integración europea para poder elevar os valores europeos”.  Deste xeito, e sobre a sanidade, a conferenciante destacou que debe estar presente “con acción e estratexia dende a Unión Europea, para que cando veña unha etapa tan difícil como esta esteamos preparadas e preparados e poidamos reaccionar antes”.
Con esta conferencia, protagonizada por Susana del Río, a Deputación de Pontevedra puxo final aos actos de celebración do Día de Europa, que arrancaron a pasada fin de semana coa versión online do programa “Degusta Europa” así como cunha serie de vídeos elaborados por chefs galegos e galegas.

Susana del Río Villar