Manifesto da Rede de Colexios de Xornalistas polo Día Mundial da Liberdade de Prensa
A
Rede de Colexios Profesionais de Xornalistas, con motivo da celebración do Día Mundial da Liberdade de Prensa, lembra que o
exercicio profesional dos xornalistas é un servizo público e esencial. A
actual crise provocada polo Covid-19 deixou patente o importante labor
social que desenvolven os medios de comunicación e información, motivo
polo cal a cidadanía debe valorar o traballo diario desempeñado polos
xornalistas.
Ademais,
a situación excepcional que estamos a vivir pon de relevo que a
liberdade de prensa e o dereito á información son valores
imprescindibles en calquera sociedade democrática. Por esta razón, a
Rede de Colexios Profesionais de Xornalistas rexeita calquera intento de
censura previa aos medios de comunicación e información por parte das
autoridades, xa que isto suporía un retroceso democrático con
consecuencias nefastas.
Nas
últimas semanas, os xornalistas demostraron o seu compromiso coa
profesión e coa cidadanía, xa que, malia as dificultades que tiveron
para exercer a súa función (teletraballo, ERTE, disminución de salarios,
etc.), realizárono de xeito responsable. Neste sentido, a Rede de
Colexios Profesionais de Xornalistas quere lembrar aos cidadáns que para
evitar a difusión de bulos e noticias falsas o aconsellábel é acudiren
aos medios de comunicación e información.
Así
mesmo, a Rede de Colexios Profesionais de Xornalistas destaca que a
precariedade laboral tamén fai perigar a liberdade de prensa, porque
favorece o medo dos xornalistas a perderen o emprego e fai máis difícil
que poidan resistir ás presións. Neste sentido, é clave o papel que
deben cumprir os editores e directores dos medios de comunicación e
información aos que lles instamos a que defendan aos xornalistas ante
calquera presión externa que poidan recibir.
Para
rematar, a Rede de Colexios Profesionais de Xornalistas insiste unha
vez máis na urxencia de que os partidos políticos aborden a creación do
Consello Xeral de Colexios de Xornalistas, xa que este órgano íase
converter nun elemento inmellorábel na defensa da liberdade de prensa e
do dereito á información.
Rede de Colexios Profesionais de Xornalistas
Cada 3 de mayo se conmemora alrededor del mundo el Día de la Libertad de Expresión, fecha instaurada en 1993 por la Asamblea General de las Naciones Unidas con el propósito de “fomentar la libertad de prensa en el mundo al reconocer que una prensa libre, pluralista e independiente es un componente esencial de toda sociedad democrática”. Con los años, esta idea se ha extendido de la libertad de prensa a la libertad de expresión, por el hecho de que una sociedad informada y deliberante depende de que toda persona goce del derecho a “investigar y recibir información y opiniones, y el de difundirlas, sin limitaciones de fronteras, por cualquier medio de expresión” (artículo 19, Declaración Universal de Derechos Humanos).
Social Plugin