Ence
e Kartogroup doaron 24 toneladas de material sanitario, producidos con
celulosa da biofábrica de Lourizán a partir de madeira galega,
que se poñerán ao dispor de diversos hospitais públicos e centros de
atención primaria da provincia de Pontevedra. A pasta de papel doada é
TCF (Totalmente Libre de Cloro), xa que a planta de Lourizán é un das
dúas únicas de Europa que utiliza este procedemento
sostible e respectuoso co medioambiente.
Mediante
a colaboración entre Ence e Kartogroup —produtor de papel tisú—,
proverase
de dous camións de papel para uso sanitario e hixiénico e secamanos a
44 centros de atención primaria e aos hospitais de Montecelo, Provincial
e Salnés da provincia de Pontevedra.
Deste
xeito, ambas as empresas colaboran na loita contra o coronavirus dada a
importancia
que nesta situación cobra garantir a subministración ós centros
sanitarios de produtos celulósicos, especialmente de papel tisú,
principal destino da celulosa de Ence, necesario nas medidas hixiénicas
necesarias para previr e combater ao COVID-19.
Para
a compañía, o compromiso coa contorna é unha prioridade. Así o
evidencia o Plan
Social de Ence Pontevedra, co que, ano tras ano, Ence contribúe a
mellorar a calidade de vida os veciños de Pontevedra. Accións como esta
demostran a firme aposta da empresa polas cidades e as persoas da
contorna a biofábrica de Lourizán.
