A pasta de papel de Ence convértese nunha alternativa contra o cambio climático

Con motivo do Día da Terra e ante a incipiente necesidade de mitigar o cambio climático, Ence aposta por produtos sostibles producidos a partir de celulosa como unha opción sostible fronte aos derivados do petróleo como o plástico, ofrecendo un material realizado a partir de materias primas renovables e respectuoso co medioambiente.
A celulosa permite fabricar produtos non tan comúns como encimeras de cociña, embelecedores ou  salpicadeiros de coche, posicionándose como unha clara alternativa a outros materiais con profundas pegadas ambientais. Unha das apostas máis rechamantes que realizou Ence é a produción de celulosa para viscosa, utilizada na industria téxtil. Este material supón unha opción ecolóxica ante o poliéster e as teas sintéticas non biodegradables, procedentes principalmente do petróleo. Ademais, as fibras téxtiles producidas a partir de pasta de celulosa, e por tanto de madeira, teñen menor pegada de carbono e hídrica que o algodón e a diferenza das fibras artificiais, xa que non xeran microplásticos.
Actualmente, a compañía ten en marcha diversos proxectos de I+D+i en celulosa, como o denominado  NOVACELL, que é un proxecto en punta de tecnoloxía enmarcado no campo da  bioeconomía, que fará posible a obtención de  nanocelulosas que abrirán o camiño á fabricación dun amplo abanico de innovadores produtos fabricados cunha materia prima renovable, como é o eucalipto, para substituír a materiais derivados do petróleo e plásticos.
Deste xeito Ence, como compañía comprometida co medioambiente, busca contribuír coa consecución dos Obxectivos de Desenvolvemento Sostible propostos pola ONU, loitando contra o cambio climático mediante o desenvolvemento de produtos a partir de celulosa e reducindo o consumo de materiais derivados do petróleo, os cales xeran un gran impacto ambiental.

Este compromiso co medio ambiente foi recoñecido por organismos internacionais a través de diversas certificacións, como a  ecoetiqueta  Nordic  Swan, selo oficial dos países escandinavos, por cumprir os criterios máis esixentes de respecto ambiental.


Share: