A biofábrica de Ence en Pontevedra valoriza en ata un 99% as súas
fraccións de residuos, reintroduciéndolos na súa cadea de valor para
darlles unha nova vida. Así o acredita o certificado “Residuo Cero”,
outorgado pola Asociación Española de Normalización
e Certificación ( AENOR) a esta planta.
Este certificado, que ostentan tan só cinco compañías en España, converte á planta de Pontevedra
nunha mostra da aposta da compañía pola economía circular no seu modelo de xestión.
Deste
xeito, a biofábrica de Ence converteuse en todo un exemplo de
contribución á economía
circular. Durante o proceso de produción da celulosa, a planta produce e
opera con materiais renovables xerando, ao mesmo tempo, enerxía
eléctrica renovable. Esta enerxía xérase a partir da biomasa que non se
destina á produción de celulosa, utilizando para
iso a lignina, un compoñente da madeira que constitúe un excelente
biocombustible renovable e natural.
Actualmente,
a biofábrica é capaz de xerar o 97% da enerxía que consome, sendo
practicamente
autosuficiente. Con esta enerxía renovable, producida a partir da
biomasa, Ence Pontevedra contribúe a reducir a intensidade enerxética e a
pegada de carbono, á vez que axuda a avanzar no camiño da transición
enerxética, cara aos obxectivos de descarbonización
marcados desde a Comisión Europea. Así mesmo, a planta consegue dar
valor aos restos forestais que, doutro xeito, non se aproveitarían.
Ademais
da certificación concedida por AENOR pola súa eficiente xestión de
residuos, o compromiso
de Ence tamén se viu recoñecido desde o ámbito internacional, coa
concesión da Distinción Oro da Comisión Europea e a ecoetiqueta
Nordic Swan, selo ecolóxico oficial dos gobernos escandinavos.