Editors Choice

3/recent/post-list

Ad Code

Responsive Advertisement

Recent in Technology

Aumenta el reconocimiento del festival "SonRías Baixas"

O festival SonRías Baixas 2019, de Bueu, foi elixido finalista en 2 categorías na quinta edición dos Iberian Festival Awards: mellor festival de mediano formato e mellor comunicación. O 14 de marzo saberanse os gañadores, nunha gran gala que terá lugar en Lisboa. Esta é a quinta edición dos Iberian Festival Awards, uns premios que serven para recoñecer as mellores citas culturais do mercado portugués e español.

O festival traerá, por fin, a Bueu na súa 18ª edición -que se celebrará os 30, 31 de xullo e 1 de agosto- a El Drogas, un dos artistas máis demandados polo público do Festival ao longo da súa historia. O que fora cantante e baixista de Barricada é un dos máximos representantes do rock español e trae ao SonRías o seu proxecto máis ambicioso, no que hai sitio para os seus grandes clásicos, pero tamén para novas sonoridades e para a literatura, a actualidade, o amor e o compromiso social. Compromiso que comparte a outra artista que anuncia hoxe o festival de Bueu: a arxentina Sara Hebe, unha das voces máis salientables do underground latinoamericano actual que volve ao SonRías Baixas coa fórmula coa que conquistou ao público do festival hai un par de anos: rap, cumbia e electrónica adobiados cunha efervescente actitude punk. Feminismo global para un dos concertos que máis dará que falar neste SonRías Baixas 2020.
Estes dous artistas súmanse ao cartel do 18º SonRías Baixas, ao que aínda lle faltan moitos nomes pero no que xa destacan o mellor rapeiro en lingua hispana do mundo, Kase.O, o punk-rock dos Desakato, os ritmos do mundo de García Mc & Nación Quilombo e a paixón pola tradición balcánica de Balkan Paradise Orchestra
As entradas para o Festival están á venda na web sonriasbaixas.info cun prezo especial e limitado de 41€ máis gastos os tres días de concertos, acampada incluída.




Ad Code

Responsive Advertisement