As irmás González Esteban, beneficiarias do Plan social Ence durante dous anos consecutivos, participaron no campionato mundial de vela, no que conseguiron o ouro que as acredita como campionas do Mundo de clase vaurien de vela e bronce na categoría júnior.
Non foi este o único premio recibido ao longo do exercicio, pois ademais obtiveron outros éxitos como o primeiro posto na Copa de España, un Campionato de España e un Campionato Galego. Recoñecementos como este poñen en valor o importante papel da muller no deporte profesional, en constante crecemento durante os últimos anos.
Deportistas españolas de prestixio internacional conseguiron facer historia nas súas respectivas disciplinas, referendando o gran paso adiante que deu o deporte feminino na última década. Deste xeito, Paula e Paloma conseguiron escribir o seu nome no panorama deportivo internacional, sumándose a unha lista de deportistas que aumenta ano tras ano.
Ence, sensible á realidade da comarca de Pontevedra considerou necesario apoiar o esforzo dos deportistas e os seus soños. Con este plan refórzase a dedicación dos deportistas que suplen co seu sacrificio a falta de medios. Estas axudas serven para que poidan completar a súa preparación.
O Plan Social de Ence en Pontevedra destina 3 millóns de euros anualmente en axudas para impulsar o benestar e mellorar a calidade de vida da contorna da súa biofábrica. Entre as áreas de actuación que contempla este plan podemos destacar: Impulso ao emprendemento e innovación, Loita contra a exclusión social, Axudas veciñais diversas e Apoio ao deporte de base.
Social Plugin