Aprovecha que queda poco... MeteoGalicia nos advierte de un fin de semana de sol hasta el domingo en que vuelve la gaita de la lluvia

VENRES
O venres Galicia queda nunha zona de transición entre o anticiclón que permanece sobre Europa e un centro de baixas presións que se moverá polo litoral portugués. Así, agárdanse ceos parcialmente cubertos con nubes altas e algún intervalo de nubes medias na franxa atlántica. As temperaturas mínimas experimentarán un lixeiro ascenso mentres que as máximas quedarán sen cambios. O vento soprará frouxo de compoñente sur en xeral, algo máis intenso na Costa da Morte.
SÁBADO
O sábado Galicia continuará con influencia anticiclónica. Polo tanto, agárdanse ceos despexados durante o día con entrada de nubes de tipo alto cara á noite. As temperaturas continuarán sen cambios significativos, con lixeiros descensos das mínimas. O vento soprará frouxo de compoñente sur.
DOMINGO
O domingo unha fronte fría chegará a Galicia, deixando un día de chuvias e descenso da temperatura. Así, os ceos estarán parcialmente cubertos, con chuvias que comezarán a primeiras horas polo oeste da provincia da Coruña e co avance da xornada irán chegando a toda a Comunidade. Á noite a cota de neve situarase arredor dos 1000 metros de altura. As temperaturas mínimas experimentarán un lixeiro ascenso mentres que as máximas sufrirán un notable descenso. O vento soprará frouxo de compoñente sur pola mañá, virando a compoñente oeste á tarde.
Copyright © RÍAS BAIXAS TRIBUNA. Designed by OddThemes