O Comité Europeo das Rexións alerta da situación financeira "especialmente alarmante" dos medios de comunicación locais e solicita...
O Comité Europeo das Rexións alerta da situación financeira "especialmente alarmante" dos medios de comunicación locais e solicita á Unión Europea medidas de apoio específicas para a súa recuperación. Este órgano consultivo salienta que os desafíos destes medios son significativamente distintos dos que teñen que afrontar as grandes empresas mediáticas.
O Comité Europeo das Rexións alertou nun comunicado da "situación financiera especialmente alarmante dos medios de comunicación locais e rexionais" e solicitou á Comisión Europea que os teña en conta no seu plano de acción para a recuperación e renovación do espazo mediático europeo. O organismo consultivo, que representa aos entes rexionais e locais europeos, acolleu con satisfacción o plano proposto, mais salientou que "os medios de comunicación social de menor dimensión, que están diretamente en contacto coas preocupacións dos cidadáns, son esenciais para garantir o control democrático e a lexitimidade".
O punto de vista do Comité Europeo das Rexións sobre este asunto, aprovado na xuntanza do comité do pasado 7 de maio, foi presentado por Jan Trei, do Partido Popular Europeo, membro da Asembleia Municipal da cidade estonia Viimsi. Trei defendeu a necesidade de prever unha abordaxe diferenciada para os medios de comunicación locais e rexionais, que se atopan nunha situación económica distinta á dos grandes medios. Aínda que as grandes empresas de comunicación se enfrenten actualmente á competencia dos xigantes tecnolóxicos americanos, os desafios para os pequenos xornais e radios locais e rexionais revélanse moi diferentes, ao seren dependentes de audiencias e públicos-obxectivo xeograficamente limitados, e teren un potencial de crecemento moitas vezes reducido.
Por isto, o Comité das Rexións defende que "son necesarias medidas de apoio, en particular para asegurar a supervivencia das empresas de comunicación social locais e rexionais", destacando especialmente a necesidade de "atender á situación dos países de menor dimensión, nos que os recursos dispoñíbeis para os medios de comunicación social locais e rexionais son limitados debido á reducida dimensión do mercado".
CPXG
O Comité Europeo das Rexións alertou nun comunicado da "situación financiera especialmente alarmante dos medios de comunicación locais e rexionais" e solicitou á Comisión Europea que os teña en conta no seu plano de acción para a recuperación e renovación do espazo mediático europeo. O organismo consultivo, que representa aos entes rexionais e locais europeos, acolleu con satisfacción o plano proposto, mais salientou que "os medios de comunicación social de menor dimensión, que están diretamente en contacto coas preocupacións dos cidadáns, son esenciais para garantir o control democrático e a lexitimidade".
O punto de vista do Comité Europeo das Rexións sobre este asunto, aprovado na xuntanza do comité do pasado 7 de maio, foi presentado por Jan Trei, do Partido Popular Europeo, membro da Asembleia Municipal da cidade estonia Viimsi. Trei defendeu a necesidade de prever unha abordaxe diferenciada para os medios de comunicación locais e rexionais, que se atopan nunha situación económica distinta á dos grandes medios. Aínda que as grandes empresas de comunicación se enfrenten actualmente á competencia dos xigantes tecnolóxicos americanos, os desafios para os pequenos xornais e radios locais e rexionais revélanse moi diferentes, ao seren dependentes de audiencias e públicos-obxectivo xeograficamente limitados, e teren un potencial de crecemento moitas vezes reducido.
Por isto, o Comité das Rexións defende que "son necesarias medidas de apoio, en particular para asegurar a supervivencia das empresas de comunicación social locais e rexionais", destacando especialmente a necesidade de "atender á situación dos países de menor dimensión, nos que os recursos dispoñíbeis para os medios de comunicación social locais e rexionais son limitados debido á reducida dimensión do mercado".
CPXG
