Veciños de San Amaro, en Barro, reclaman "unha estrada segura e non o “parche” que fixo a Deputación"

O grupo provincial do Partido Popular defende que os veciños de San Amaro, en Barro, "merecen unha estrada segura, cun proxecto de mellora integral, e non o “parche” que fixo a Deputación de Pontevedra na EP-0508 entre Curro e A Portela". Foi durante a visita que os deputados Jorge Cubela, Paz Lago e Javier Tourís fixeron ao lugar, acompañados polos concelleiros locais, José Antonio Landín e José Suárez e varios veciños.

Durante o encontro, no que aproveitaron para percorrer a pé un tramo da estrada e comprobar “o grave problema de seguridade vial que provoca unha estrada estreita e moi sinuosa para a convivencia de peóns e vehículos”, escoitaron as reclamacións “xustas” que fan os veciños de San Amaro. Piden "un proxecto integral para a EP-0508, coa ampliación da plataforma pola que hai tramos na que non poden cruzar dous vehículos, a creación de beirarrúas para poder camiñar con seguridade, así como a mellora do saneamento e do alumeado público".

O voceiro do grupo provincial, Jorge Cubela, defende que “hai que investir con fundamento, e non ir a Barro e poñer un parche para xustificar que se fixo algo”. Recorda que “ademais de ser a titular desta estrada, a Deputación ten como misión apoiar aos pequenos e medianos concellos da provincia. Os concellos do rural deben ter servizos e seguridade, e por iso o Goberno provincial non pode dar as costas aos veciños de San Amaro”. Nesta liña, entende que tanto a institución provincial como o Concello de Barro son responsables desta situación, xa que o Goberno local debería ter defendido as reclamacións dos veciños.

As reclamacións e o malestar que dos veciños de San Amaro non son novas, hai máis de un ano que os populares apoiaron e participaron nalgunhas das concentracións que a plataforma veciñal organizaba para reclamar un proxecto seguro para esta estrada provincial, como se fan noutros concellos e noutras estradas provincias.
A EP-0508, entre Curro e A Portela, é unha estrada pola que transitan moitos vehículos, así como o autobús escolar e camións, pero tamén pola que cruzan moitos peóns, xa que ademais por ela transcorre o Camiño de Santiago.

No hay comentarios:

Publicar un comentario

Nota: solo los miembros de este blog pueden publicar comentarios.