Reclaman a Deputaciòn que elimine los puntos negros en carreteras por donde pasan los Caminos de Santiago
O grupo provincial do Partido Popular reclama á Deputación de Pontevedra que actúe nas estradas da súa titularidade polas que transcorre O Camiño e que as acondicione con motivo da conmemoración do Xacobeo 2021 e 2022. “Pola nosa provincia transcorren o Camiño Portugués, o Camiño Portugués da Costa, a Vía da Prata, o Camiño de Inverno e a Ruta do Mar de Arousa e do Río Ulla, sendo esta última unha ruta marítima. Polo tanto, resulta de especial importancia que as estradas provinciais polas que transcorren as catro rutas do Camiño conten cun plan integral para a súa posta en valor e mellorar a seguridade para os milleiros de peregrinos que se esperan”, defende o voceiro Jorge Cubela.
Cubela, acompañado polos tamén deputados Pepa Pardo e Javier Tourís, e por representantes da asociación Amigos do Camiño Portugués a Santiago, visitou a EP-0002, entre Tomeza e O Marco, na cidade de Pontevedra, pola que transita o camiño portugués e que conta con importantes puntos negros que poñen en perigo a seguridade dos peregrinos. Durante o percorrido, comprobaron que a estrada non contra cunha franxa de terreo continua para poder percorrela a pé, e nalgunhas zonas nin sequera hai beiravía. Unha situación que provoca que este sexa un tramo do camiño totalmente inseguro, que se agrava durante o inverno pola climatoloxía.
Recordan que a seguridade viaria neste lugar xa se reclamou na Mesa do Camiño que se celebra na Deputación de Pontevedra, mais aínda non se fixo nada ao respecto a pesar de que xa transcorreron catro meses desde a apertura do ano Xacobeo. Por iso, o PP intentará conseguir este venres no pleno que toda a corporación apoie de xeito unánime esta iniciativa.
Cubela, acompañado polos tamén deputados Pepa Pardo e Javier Tourís, e por representantes da asociación Amigos do Camiño Portugués a Santiago, visitou a EP-0002, entre Tomeza e O Marco, na cidade de Pontevedra, pola que transita o camiño portugués e que conta con importantes puntos negros que poñen en perigo a seguridade dos peregrinos. Durante o percorrido, comprobaron que a estrada non contra cunha franxa de terreo continua para poder percorrela a pé, e nalgunhas zonas nin sequera hai beiravía. Unha situación que provoca que este sexa un tramo do camiño totalmente inseguro, que se agrava durante o inverno pola climatoloxía.
Recordan que a seguridade viaria neste lugar xa se reclamou na Mesa do Camiño que se celebra na Deputación de Pontevedra, mais aínda non se fixo nada ao respecto a pesar de que xa transcorreron catro meses desde a apertura do ano Xacobeo. Por iso, o PP intentará conseguir este venres no pleno que toda a corporación apoie de xeito unánime esta iniciativa.
Para os populares, o Xacobeo vai ter un tirón exponencial importante en canto se reduzan as limitacións de mobilidade, que vai supoñer a chegada de turistas e peregrinos dispostos a percorrer as diferentes rutas do Camiño. E por iso a provincia debe aproveitar esta oportunidade para reforzar a súa imaxe exterior e que sexa unha punta de lanza para superar a crise económica derivada da pandemia.
