El Museo de Pontevedra recibió cerca de 1.400 visitantes en Semana Santa

O Museo de Pontevedra recibiu durante as vacacións de Semana Santa, dende o domingo 28 de marzo ao domingo 4 de abril, preto de 1.400 persoas nos seus edificios das Ruínas de San Domingos, Castelao e Sarmiento. A cifra, que se conseguiu tendo o aforo limitado e con todas as medidas de seguridade con motivo da pandemia, foi cualificada de “éxito” polo vicepresidente Mosquera, quen agradeceu o traballo e implicación “entusiasmada” do persoal á hora de programar actividades complementarias ás exposicións permanentes e temporais.

Segundo o vicepresidente “o Museo é unha xoia que se pode gozar en Pontevedra con actividades para todo o mundo. Ten unha grande potencialidade e non é todo o coñecido que debera polo que traballamos nesa dirección”, subliñou.

A maior parte das persoas visitantes foron galegas procedentes das diferentes provincias, aínda que tamén houbo variada procedencia de público estranxeiro (Australia, Austria, Reino Unido, Estados Unidos, México, Polonia, Puerto Rico, Bosnia- Herzegovina e Andorra). Do ámbito estatal tamén visitaron as instalacións madrileños e andaluces, segundo confirmaron na enquisa que se realiza á chegada.

En relación ás actividades ofertadas durante a Semana Santa, as visitas guiadas á exposición de José Suárez completáronse os dous días quedando xente en lista de reserva . Tamén aconteceu así co obradoiro infantil en relación á mostra ,“Con J de javiota, con J de José”: completándose tamén con éxito os dous días, 30 e 31 de marzo, con máis de vinte rapazas e rapaces en lista de reserva.

Por outra banda, a visita guiada ás Ruínas de San Domingos tamén se completou, sendo ademais o edificio máis visitado de forma individual; tamén a visita guiada á mostra ‘Emilia Pardo Bazán no Museo’, e tamén a visita de carácter xeral á colección do Museo o xoves 1 de abril.

No hay comentarios:

Publicar un comentario

Nota: solo los miembros de este blog pueden publicar comentarios.