A Xunta de Goberno da Deputación aprobou hoxe unha liña de axudas por 130.000 € dirixidas a entidades para impulsar actividades turísticas n...
A Xunta de Goberno da Deputación aprobou hoxe unha liña de axudas por 130.000 € dirixidas a entidades para impulsar actividades turísticas na provincia. Como novidade, as achegas discriminarán positivamente as iniciativas que contribúan á dinamización económica dos sectores máis afectados polas restricións derivadas da covid-19. Neste eido, xa foron aprobadas en menos dun mes bases por valor de 330.000 € para impulsar o sector turístico da provincia xa que, a estes 130.000 € súmanse os 200.000 € aprobados o pasado mes para a contratación de persoal nas oficinas Info Rías Baixas.
A Deputación fai un novo esforzo este ano incrementando a contía máxima das achegas que chegará ata os 5.500 € por entidade, 500 máis que o establecido o pasado ano. A través destas axudas búscase colaborar no fomento do turismo e na profesionalización do sector. Deste xeito, serán obxecto de subvención actividades que se desenvolvan entre o 1 de xaneiro e o 31 de decembro do 2021 dirixidas a promover e estimular o sector turístico, a súa calidade, accesibilidade e sustentabilidade. Tamén aquelas que teñan que ver coa divulgación de recursos turísticos da provincia como poden ser a natureza, o medio ambiente e a paisaxe, as festas e tradicións populares, o patrimonio cultural e lingüístico, a gastronomía e enoturismo, a saúde, o benestar e o termalismo.
Con esta liña de axudas o pasado ano a Deputación de Pontevedra subvencionou actividades como o Trofeo Conde de Gondomar do Club de Iates de Baiona, as visitas musicalizadas da Asociación de Xuventudes do Eixo Atlántico, as Xornadas de Difusión da Cultura da Mazá Ecolóxica da Asociación Mar de Compostela, o Curso de Biodiversidade e Emprego no Turismo da Asociación para o Desenvolvemento Educativo e Cultural ou a promoción da enogastronomía da Asociación Ruta do Viño Rías Baixas.
A Deputación fai un novo esforzo este ano incrementando a contía máxima das achegas que chegará ata os 5.500 € por entidade, 500 máis que o establecido o pasado ano. A través destas axudas búscase colaborar no fomento do turismo e na profesionalización do sector. Deste xeito, serán obxecto de subvención actividades que se desenvolvan entre o 1 de xaneiro e o 31 de decembro do 2021 dirixidas a promover e estimular o sector turístico, a súa calidade, accesibilidade e sustentabilidade. Tamén aquelas que teñan que ver coa divulgación de recursos turísticos da provincia como poden ser a natureza, o medio ambiente e a paisaxe, as festas e tradicións populares, o patrimonio cultural e lingüístico, a gastronomía e enoturismo, a saúde, o benestar e o termalismo.
Con esta liña de axudas o pasado ano a Deputación de Pontevedra subvencionou actividades como o Trofeo Conde de Gondomar do Club de Iates de Baiona, as visitas musicalizadas da Asociación de Xuventudes do Eixo Atlántico, as Xornadas de Difusión da Cultura da Mazá Ecolóxica da Asociación Mar de Compostela, o Curso de Biodiversidade e Emprego no Turismo da Asociación para o Desenvolvemento Educativo e Cultural ou a promoción da enogastronomía da Asociación Ruta do Viño Rías Baixas.
