Fecimo inicia no mes de febreiro unha formación continuada de 12 sesións para
entender e adaptarse aos cambios nos clientes tralo confinamento.
FECIMO COMEZA O PROGRAMA DE FORMACIÓN
2021: “FIDELIZA AO CLIENTE POST
CONFINAMENTO”
Coa chegada en 2020 do COVID‐19, asistimos a creación dun punto de inflexión no tecido
comercial e industrial tal e como o coñeciamos, por tal motivo a Federación de
Comerciantes e Industriais do Morrazo – FECIMO –porá en marcha o vindeiro 10 de febreiro
o curso “FIDELIZA AO CLIENTE POST CONFINAMENTO” gratuíto para tódolos seus asociados.
Os peches, as restricións e o distanciamento veñen de crear e potenciar novos hábitos e
formas de consumo, así como, modificar as relacións cliente‐comercio, tal e como as
coñeciamos, conscientes deste cambio de situación, dende FECIMO, impulsamos unha
proposta formativa de 20 horas que axudará a entender mellor esta nova realidade, crear
novas estratexias e mostrar unha orientación adecuada para que o tecido comercial,
hostaleiro e industrial da Comarca poida tomar as mellores decisións cara o futuro dos seus
negocios.
O programa do curso será impartido mediante reunións en liña interactivas contando cun
total de 12 sesións nas que cada unha estará dedicada a unha temática concreta e entre as
que caben destacar títulos como “entendendo ao “novo” cliente desconfinado” ou
“reenfocar para fidelizar”.
O curso que comezará o vindeiro mércores 10 de febreiro está previsto que se estenda
durante os vindeiros meses ata o 5 de maio.
Será impartido por un relator de primeiro nivel como é Miguel Ángel Souto Fraga,
Licenciado en Ciencias da Información e Executive MBA pola Escola de Negocios Caixanova‐
IESIDE.
Miguel Ángel conta con 25 anos de carreira directiva multisectorial, sempre nos campos das
vendas, marketing e comunicación, e como Director Comercial ou en Marketing de
empresas como SARGADELOS ou ENGEL & VÖLKERS INMOBILIARIA.
0 Comentarios