Ence xerou en 2020 enerxía renovable suficiente para as necesidades de 1,8 millóns de persoas

En 2020 Ence Energía y Celulosa xerou máis de 2,2 millóns de MWh de enerxía renovable a partir maioritariamente de biomasa, suficiente para cubrir as necesidades domésticas de máis de 1,8 millóns de persoas. A biomasa é unha fonte de enerxía eléctrica renovable, xestionable e que, ademais, xera un importante impacto socioeconómico local moi valioso para as áreas rurais.

A compañía colaborou o ano pasado desta forma para garantir á sociedade unha subministración esencial como é a enerxía eléctrica, algo fundamental na situación de crise sanitaria que vivimos, e na que o correcto funcionamento de fogares, centros médicos e asistenciais é máis importante que nunca.

Para garantir a continuidade da subministración eléctrica, e co foco posto na seguridade das súas persoas, Ence puxo en marcha o pasado 24 de febreiro un estrito protocolo de seguridade fronte ao virus que está a ser determinante para manter a actividade e conseguir este obxectivo.

Nas súas biofábricas de celulosa de Navia e Pontevedra Ence produciu máis de 800.000 MWh de enerxía renovable a partir de biomasa e lignina. A compañía conta cunha potencia instalada de 112 MW nas súas plantas de celulosa, e cunha capacidade de produción anual de 900 GWh, que as converte en autosuficientes, achegando á rede eléctrica o excedente de produción.

Pola súa banda, a enerxía producida en todas as plantas independentes da compañía ascendeu a máis de 1,4 millóns de MWh. A compañía consumiu o ano pasado preto de 1,5 millóns de toneladas de biomasa procedente fundamentalmente de actividades agrícolas que, doutra forma, fosen queimadas no mesmo campo, perdéndose o seu valor enerxético e provocando un problema ambiental.

Ademais, o aproveitamento enerxético de todos os restos forestais e agrícolas da contorna das plantas de Ence supón un alto impacto social en termos de dinamización económica e emprego. Segundo os datos da Asociación de empresas de Energías Renovables (APPA), cada megawatt instalado para biomasa sostén 30 postos de traballo entre directos, indirectos e inducidos, o que eleva o impacto social da actividade enerxética de Ence ata os 7.980 empregos en España.

En 2021, a compañía segue avanzando co seu plan de crecemento en enerxías renovables, no que vai desenvolver proxectos de biomasa que sumarán outros 140 MW máis. En concreto, os proxectos en marcha son para catro plantas de produción de enerxía eléctrica a partir de biomasa agroforestal en Almería, Ciudad Real e Córdoba. A iso engadiranse 240 MW en catro plantas fotovoltaicas en Huelva, Sevilla e Xaén.

Ence está comprometida cos Obxectivos de Desenvolvemento Sostible das Nacións Unidas e cos obxectivos establecidos a nivel nacional e internacional para loitar contra o cambio climático. Neste sentido, a compañía traballa intensamente para colaborar na necesaria recuperación verde tras a pandemia, que debe marcar as políticas de investimentos europeos nos próximos anos. 




No hay comentarios:

Publicar un comentario

Nota: solo los miembros de este blog pueden publicar comentarios.