EN RESUMEN_$type=three$m=0$rm=0$h=400$c=3$show=home

PORTADA_$type=slider$count=6$rm=0$show=home

"rbtribuna") Por el final de las absurdas fronteras (políticas, sociales, burocráticas, económicas...) que aún subsisten entre España (singularmente Galicia) y Portugal...y que tanto perjudican a la ciudadanía ibérica

"Prendendo Butacas" promove un Nadal de Teatro na casa

A obra “Rosalía”, da compañía Cooperactiva, abre este xoves as funcións virtuais do programa e poderá verse a partir das 10 durante 24 horas...


A obra “Rosalía”, da compañía Cooperactiva, abre este xoves as funcións virtuais do programa e poderá verse a partir das 10 durante 24 horas  

As representacións on line, na web da Deputación, prolongaranse ata o 3 de xaneiro coa participación doutras sete agrupacións


Gozar da maxia do teatro sen moverse de casa. Esa é a proposta que a  Deputación de Pontevedra ofrece durante estas festas do Nadal coas funcións virtuais do programa “Prendendo Butacas na Casa”, que arrancan este xoves, día de Noiteboa, e se prolongarán ata o domingo 3 de xaneiro. Son oito as representacións previstas a cargo doutras tantas compañías, fundamentalmente da provincia pontevedresa, que se retransmitirán vía streaming na web da institución provincial (www.depo.gal)  desde as 10 da mañá de cada xornada e durante as 24 horas seguintes.


“Prendendo Butacas na Casa” supón a adaptación do programa “Prendendo Butacas”, que a Deputación tiña previsto desenvolver no outono con funcións nos teatros de diversos concellos da provincia, dentro do seu plan para a “Re-acción Cultural” tralo confinamento pola Covid. As recentes restricións derivadas da pandemia obrigaron a reformular a iniciativa cara ao formato virtual. Deste xeito, a Deputación decidiu non apagar as luces e levar o teatro ás casas das máis de 950.000 persoas que viven na provincia, que nestas xornadas de festa poderán desfrutar desta actividade sen necesidade de desprazarse. O obxectivo é animar ao público a encher de novo os teatros en cando as condicións o permitan e devolverlles amais ás e aos profesionais da cultura todo o que ofreceron durante os meses do estado de alarma.


O programa arranca este xoves 24 de decembro, Noiteboa, coa representación de Rosalía a cargo da compañía Cooperactiva. É unha obra pensada especialmente para o alumnado de Primaria, para as súas familias e docentes, que supón un achegamento teatral distinto á vida e obra da autora galega. Nesta montaxe, as nenas e nenos descubrirán en Rosalía a unha moza alegre, forte e curiosa, que vive, xoga e goza no país da infancia. A obra quere contar ás crianzas que a infancia é o lugar onde crecen as poetas: entre a rebeldía, as lecturas, a curiosidade, o xogo e as cancións con rimas e sen autoría.


No día de Nadal, 25 de decembro, estará dispoñible a obra Camiños, de Butaca Zero, na que se atopa a Galicia máis millenial. Trátase dunha peza feminista con 5 mulleres en escena, na que a liberación da muller e a muller liberada son o punto de partida e de reflexión histórica. A emigración é o fío condutor e, falando de fíos, a costura tamén forma parte da historia, na que teñen cabida desde Zara, á influencer Lovely Pepa. Castelao, Manuel María, Ruth Matilda Anderson... ou mesmo Gadis.


Cara á fin de semana, o sábado 26 será a quenda da compañía  Ibuprofeno Teatro, que representará O mel non caduca, “un espectáculo biodegradable e ecosostible”, xestado a partir de un proceso de creación colectiva, ao redor da relación do ser humano cos obxectos, “da degradación ecolóxica del planeta a causa da perversa lóxica consumista do capitalismo e da obsolescencia programada tanto dos produtos como das persoas”.


O domingo 27 de decembro poderá verse a obra Afterparty, de A Feroz, unha peza que fala da decepción, do empeño na felicidade e das preguntas que se fai unha xeración que ten a sospeita de que chegou tarde a todo. Nesta festa escénica de A Feroz a letra, a música, o espazo e o corpo mestúranse nun proceso de creación interdisciplinar. 


O teatro continuará o mércores 30 de decembro con Fíos, a cargo de Baobab Teatro, unha obra dirixida para todos os públicos, recomendada a partir dos catro anos, na que se suceden diferentes historias ao redor dun obradoiro de costura. A modista que a protagoniza recibe visitas esperadas e outras inesperadas que lle piden axuda. Coas súas puntadas descubrirá personaxes que penden de fíos e queren viaxar, soñar, namorarse e contar os seus segredos.


Na xornada do 31, Noitevella está reservada para A maleta de Don Attilio, de Viravolta Títeres. É un espectáculo dirixido ao público infantil e familiar ambientada nun circo. Aborda o amor imposible entre Toni Bombillo, a estrela do espectáculo, e María, filla de don Próspero, preboste do barrio alto, dúas marionetas de orixes moi distintas.


Xa o sábado, 2 de xaneiro chegará A Galiña azul, de Tanxarina Títeres. A obra de Carlos Casares cobra nova vida neste espectáculo que recolle catro contos do orixinal do autor nunha divertida adaptación. A obra, na que a compañía emprega diversas técnicas de manipulación de bonecos e traballo actoral, fala da diversidade e da solidariedade, e está destinada ao público infantil e familiar.


Finalmente, para concluír a programación neste Nadal, Educa Teatro representará a obra Os Tres Porquiños, un musical con bonecos a tamaño real pensado para gozar en familia. Trátase dunha revisión da tradicional fábula para adaptala aos novos tempos, incluíndo a participación de Xan e Xiana, exploradora e explorador moi afeccionados aos contos que se adentran no bosque para coñecer aos seus personaxes favoritos. A peza inclúe cancións cantadas en directo e ten unha clara misión didáctica para que os e as máis pequenas aprendan ou reforcen coñecementos como os números, as cores ou as prendas de vestir. 





 

Nombre

-A EURORREGIÂO,285,-CORTOS Y DIRECTOS,27,-EL OCIO-TURISMO,70,-FRONTERAS,96,-LA CULTURA,69,-LA EURORREGIÓN,266,-LA VIDA,265,-Las Cosas de la Vida,2,-LAS OPINIONES,69,-LAS PERSONAS,95,-LOS DEPORTES,266,-m,1,-MAIS PORTUGAL,115,-MÁS ESPAÑA,76,-Ocio/Deportes/Espectáculos,1,-PORTADA,204,-PORTADA),484,-Y ADEMÁS...,286,+ GALICIA,1,1-EURORREGIÓN,329,10-OCIO-ESPECTACULOS,35,11-PORTUGAL TAMBIÉN,89,12-ESPAÑA TAMBIÉN,42,13-MÁS DE PORTADA,8,2-GALICIA,104,3-PORTUGAL,41,4-LAS COSAS DE LA VIDA,250,5 ASUNTOS DE PORTADA EN RÍAS BAIXAS TRIBUNA,459,5-OPINIÓN,82,6-OCIO-DEPORTES-ESPECTÁCULOS,155,7-MÁS EURORREGIÓN,151,8-EL ÚLTIMO PARTE,48,CAJÓN DE SASTRE,303,CLAVE INFORMATIVA,108,CORONAVIRUS,74,CORTOS Y LARGOS,13,CUADERNO FINAL,96,CULTURA Y ESPECTÁCULOS,19,CULTURA-SOCIEDAD-MEDIA,51,DEPORTES,306,EL ÚLTIMO PARTE,69,ESPAÑA,292,ESTAS TIERRAS Y ESTAS GENTES,12,EURORREGIÂO,16,EURORREGIÓN,35,EURORREXIÓN,39,FERROCARRIL,302,GALICIA,1121,GALICIA SUR,102,GRANDE REPORTAGEM,18,INTERNACIONAL,73,LA MIRILLA,69,LAS COSAS DE LA VIDA,582,LOS DEPORTES,16,MAIS PORTUGAL,23,MÁS ESPAÑA,8,MÁS GALICIA,186,MASS-MEDIA,515,Medios de Comunicación,10,OCIO,170,OCIO-ESPECTÁCULOS,147,OCIO-TURISMO,217,OPINION,121,OTRA PORTADA,10,PIE DE FOTO,23,PONTEVEDRA,187,PORTADA,39,PORTUGAL,570,PORTUGAL NORTE,66,PRIMER CUADERNO,110,PROVINCIA,577,PUNTOS DE VISTA,16,REPORTAJES,2,REPORTAJES-ARTÍCULOS,40,RETRATOS,88,SPORTING DE BRAGA,175,TAUROMAQUIA,155,VIGO,182,
ltr
item
RÍAS BAIXAS TRIBUNA: "Prendendo Butacas" promove un Nadal de Teatro na casa
"Prendendo Butacas" promove un Nadal de Teatro na casa
https://1.bp.blogspot.com/-vME0ch8LeMw/X-M6IVHLYOI/AAAAAAAA5Uc/iv6fSYXieTo-8G3HJFwaCRj6LlM0pJ9BwCLcBGAsYHQ/w640-h358/Captura%2Bde%2Bpantalla%2B2020-12-23%2Ba%2Blas%2B12.34.35.png
https://1.bp.blogspot.com/-vME0ch8LeMw/X-M6IVHLYOI/AAAAAAAA5Uc/iv6fSYXieTo-8G3HJFwaCRj6LlM0pJ9BwCLcBGAsYHQ/s72-w640-c-h358/Captura%2Bde%2Bpantalla%2B2020-12-23%2Ba%2Blas%2B12.34.35.png
RÍAS BAIXAS TRIBUNA
https://www.riasbaixastribuna.com/2020/12/prendendo-butacas-promove-un-nadal-de.html
https://www.riasbaixastribuna.com/
https://www.riasbaixastribuna.com/
https://www.riasbaixastribuna.com/2020/12/prendendo-butacas-promove-un-nadal-de.html
true
1496149115088572514
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content