PONTEVEDRA .- A deputada nacional e vicesecretaria de Política Social do PP, a pontevedresa Ana Pastor, deu unha rolda de prensa esta tarde, na que valorou o debate durante a moción de censura. Subliñou que era unha moción de censura fracasada de antemán, e destacou a excelente intervención de Pablo Casado, ao exponer o que a maioría dos españois esperan dos políticos, que se deixen de confrontación, de extremos, populismos, e se concentren en resolver os problemas dos españois que, neste momento, é facer fronte á pandemia e á crise económica.
Nesta liña, sinalou que onte constatouse que fronte ao populismo de Vox, o PP lidera a oposición e se mostra cada día como unha alternativa creíble, a única alternativa á pésima xestión do Goberno. Dixo que a oposición faise traballando, exercendo o control ao Goberno e presentando propostas e ideas, sen populismos nin marketing.
