El Gobierno de Vigo ya piensa en la playa y contrata los vigilantes

O alcalde de Vigo, Abel Caballero informou este luns da adxudicación do contrato do servizo de vixilancia, socorrismo, asistencia sanitaria de primeiros auxilios e seguridade para o baño de persoas con mobilidade reducida en determinados areais de Vigo para os anos 2020, 2021 e 2022 que ten un orzamento de 1,7 millóns de euros.

Desde o 15 de xuño e ata o 15 de setembro dispoñerán deste servizo os areais de Rodas, Fortiñón, Canido, Vao, Fontaíña, Samil, Argazada, Tombo do Gato, Carril e A Punta. O alcalde explicou que o Concello solicitará o distintivo de bandeira azul para todas estas praias porque “queremos volver ser a gran cidade con máis bandeiras azuis de toda España”.

O servizo de socorrismo e salvamento contará cun coordinador, 2 responsables de praias, 1 operador/a de comunicacións, 3 enfermeiros/as, 4 axudantes de Primeiros Auxilios, 2 técnicos en emerxencias sanitarias na ambulancia e 26 socorristas acuáticos. Á súa disposición terán os seguintes medios: 1 centro de coordinación de emerxencias en praias, situado en Samil, 8 postos sanitarios en areais, 13 torres de vixilancia, 12 desfibriladores automáticos e 1 ambulancia. “A dotación, a partida e a organización é extraordinaria”, apuntou o rexedor, que aludiu ao “despregamento total para que o sistema funcione ben”.

Educación e Benestar
A Xunta de Goberno Local adxudicou a contratación de servizos para a xestión, organización e desenvolvemento do Programa Municipal de Educación Básica de persoas adultas que cumpre co obxectivo de “ensinar a ler” e que ten unha media de 150 alumnos, homes e mulleres que, de forma maioritaria, non puideron aprender a ler ata agora. O contrato ten un importe de 150.000 euros.
Amais, quedou aprobado o expediente de contratación do servizo para a xestión do programa de atención psicolóxica para fillos e fillas de vítimas de violencia de xénero cun importe de 15.000 euros que cumpre o obxectivo de minimizar o impacto que produce esta violencia nos menores.
Así mesmo, o alcalde explicou que “estamos reforzando de forma moi notable o servizo de políticas sociais e de benestar porque a súa actuación é extraordinaria xa que estamos dando, nesta pandemia, toda a cobertura social dende o Concello”. Con ese fin, a Xunta de Goberno deu luz verde ao nomeamento de 5 diplomados en Traballo Social, no que xa foran nomeadas outras 6, así como 2 auxiliares e 2 técnicos co que o servizo de atención social queda incrementado en 15 persoas.