Ence Energía y Celulosa logrou un beneficio neto de 9 millóns € no
exercicio 2019 (-93%) e un EBITDA de 127 millóns € (-56%). O EBITDA do
negocio de Celulosa
foi de 75 millóns € (-69%), mentres que o de Enerxía Renovable foi de
52 millóns € (+15%).
Os resultados estiveron marcados pola
caída do prezo da celulosa e pola execución de importantes investimentos
previstos no Plan Estratéxico para ampliar capacidade en Celulosa e en
Enerxía Renovable, que xa están a dar os seus
froitos.
Así, durante o cuarto trimestre
implementouse con éxito a ampliación de capacidade de 80.000 toneladas
prevista na biofábrica de Navia e que supuxo a mellora de practicamente
todos os procesos industriais da planta. Así mesmo
executáronse investimentos na biofábrica de Pontevedra para mellorar a
súa eficiencia e calidade ambiental.
Hai que destacar que o prezo da celulosa
comezou a dar síntomas de recuperación, tras estar nuns niveis mínimos
dos últimos 10 anos no 4º trimestre de 2019, e o ritmo de produción das
biofábricas de Ence no que vai de ano supera
claramente ao do mesmo período do ano anterior.
En Enerxía Renovable, están a
incorporarse no 1 er trimestre dúas novas plantas de biomasa cunha
capacidade de 96 MW, que están a contribuír a aumentar en máis dun 50% a
xeración renovable en 2020. Ademais, Ence conta cunha carteira de
proxectos de 405 MW con acceso á rede e localizacións aseguradas de
solar fotovoltaica, biomasa e hibridación termosolar-biomasa.
