1 sept. 2018

Pontevedra. La Xunta invierte 1,2 millones de euros en las obras de mejora de A Ponte da Barca

1/09. PONTEVEDRA. 
A Xunta está a investir 1,2 millóns de euros nas obras de mellora da Ponte da Barca, que rematarán a finais deste ano e que dotarán á infraestruturas dun aspecto renovada e de melloras funcionais. Estes traballos, ademais, incrementarán a vida útil da ponte e contribuirán a súa posta en valor.
Así o explicaron hoxe o vicepresidente da Xunta, Alfonso Rueda, e a conselleira de Infraestruturas e Vivenda, Ethel Vázquez, tras a súa visita aos traballos que xa se están executando na Ponte. Ao acto tamén asistiron o delegado territorial da Xunta en Pontevedra, José Manuel Cores Tourís, e os alcaldes de Pontevedra, Miguel Anxo Fernández Lores, e Poio, Luciano Sobral.
As actuacións na Ponte da Barca acométense despois da inspección en profundidade realizada sobre a estrutura, no marco da supervisión continua e permanente das obras de paso de titularidade autonómica que realiza o Goberno galego. Así, os traballos en marcha suporán, dun lado a mellora e conservación da propia ponte para incrementar a súa vida útil e, doutro, a renovación da marquesiña que protexe as beirarrúas, para o que se está a construír a nova estrutura de madeira, cun tratamento protector especialmente deseñado para evitar a acumulación da auga e con cuberta de aluminio para evitar un rápido deterioro e garantir a maior resistencia.
Os traballos de conservación e renovación da marquesiña veranse completados coa instalación de nova iluminación, con proxectores led en ponte e estrada, de maior eficiencia enerxética, e que permitirán poñer en valor a Ponte da Barca, ao mellorar a súa estética e resaltar a estrutura.
Actualmente, estase a desmontar a marquesiña, cuxos traballos se iniciaron a semana pasada, e ao tempo se está a montar a andamiaxe no arco da ponte, comezando pola beira de Pontevedra, unha montaxe que durará arredor de dúas semanas. Os traballos avanzan segundo a planificación establecida e cumprindo o compromiso de non afectar ao tráfico rodado ao programarse as actuacións que puntualmente poidan producir afeccións en horario nocturno.
A Xunta tamén está a traballar noutras actuacións nas que o departamento para a mellora da seguridade viaria en Pontevedra como, por exemplo, a senda Covelo-Raxó, cuxas obras se iniciarán de forma inminente, e a Variante de Alba. Con respecto a variante, trátase dunha actuación prioritaria para o Goberno galego, como ben coñece o concello, e que precisa do necesario o acordo do Ministerio de Fomento, tendo xa a Xunta asinado o contrato para a redacción do proxecto.
Máis de 200 millóns de euros
Todos estes traballos forman parte do compromiso que a Xunta mantén coa cidade de Pontevedra e que se materializa nun investimento de máis de 200 millóns tendo en conta todos os proxectos en marcha ou planificados.
Neste conxunto de obras, inclúense proxectos como o do Gran Montecelo, a estación intermodal coa reforma da estación de autobuses, o novo edificio xudicial ou a reforma do edificio de Benito Corbal.
A primeira destas obras en estar finalizada será, precisamente, a da Ponte da Barca, pero posteriormente rematarán, o ano que vén, o novo edificio de Benito Corbal ou o novo edificio xudicial.


 
Share:


ARCHIVO RÍAS BAIXAS TRIBUNA

Edición 15 de Rías Baixas Tribuna ya está en puertas

La edición 15, edición impresa de RÍAS BAIXAS TRIBUNA está siendo ya elaborada desde este lunes. Temas de máximo interés están en la planill...


LOS MÁS POPULARES EN UN AÑO

RÍAS BAIXAS TRIBUNA

Buscar en RÍAS BAIXAS TRIBUNA

O noso peixe é de fiar

Empresas y autónomos confian

Empresas y autónomos confian
Gestradoc también obsequia a sus clientes con un ejemplar de RÍAS BAIXAS TRIBUNA

Apuesta por el mejor vino blanco

Galicia, tes que vivila

Galicia, tes que vivila

En Zaragoza, 14 - Vigo

En Zaragoza, 14 - Vigo
recoge aquí tu ejemplar de RÍAS BAIXAS TRIBUNA, obsequio de este establecimiento hasta agotar existencias

Para ir a las islas atlánticas...

Formulario de contacto

Nombre

Correo electrónico *

Mensaje *

Desde el corazón de Galicia

Nuestras ediciones impresas

Nuestras ediciones impresas

Galicia é Calidade

Nuestra última edición impresa

Nuestra última edición impresa

Newsletter

Translate