18 sept. 2017

Concello de Bueu mejora la señalización y detalles acerca de la capilla de los "Santos Reis" y la iglesia de Cela

BUEU). Rías Baixas tribuna.
O Concello de Bueu vén de instalar dous paneis interpretativos na Igrexa de Santa María de Cela e na Capela dos Santos Reis, con cargo a unha subvención da Deputación de Pontevedra para sinalización de patrimonio histórico cultural e a memoria histórica do 2016. O importe destas actuacións ascendeu a 3557,40 €, e os traballos foron realizados pola empresa Estela, Loxística e Proxectos S.L. 
Este proxecto tiña como obxectivo afondar na información deste pasado medieval e moderno de Bueu, mediante a interpretación de dous lugares de grande interese patrimonial, a igrexa de Cela e a capela dos Santos Reis, medieval a primeira e contemporánea a segunda, pero edificada no lugar dunha antiga capela moderna. Ambas construcións están catalogadas no Inventario Xeral do Patrimonio Cultural.

Capela dos Santos Reis
A capela orixinal data do ano 1686, cando Fernando de la Rúa y Freire a funda. Trátase dun dos poucos templos en toda a cristiandade dedicado aos Santos Reis, xunto coa catedral de Colonia. Desta antiga capela do século XVII pouco coñecemos; sábese que era moi rica en figuras, tanto polas conservadas desa época, reaproveitadas na capela actual, como polas que acabaron en fachadas de diversas casas de Bueu. 
A capela actual foi inaugurada o 4 de outubro de 1953 e foi deseñada integramente por Urbano Lugrís, cun tema de fondo, o mar, como así amosa o arco de entrada á mesma, con vieiras, áncoras e diversos elementos marítimos. Lugrís chegaría incluso a deseñar o retablo da capela, que se elaborou no obradoiro dos famosos irmáns Rivas, de Santiago de Compostela. Lamentablemente, na década dos 70 a capela quedou en ruínas, perdéndose boa parte das obras de Lugrís, incluído o retablo. Os deseños orixinais de Urbano Lugrís para a capela atópanse no Concello de Bueu.
Igrexa de Santa María de Cela
Esta fermosa igrexa románica é unha das poucas que se conservan no Morrazo. Non é doado que unha igrexa soporte sen moitas modificacións máis de 800 anos, como o caso de Cela. 
A orixe da de Cela remóntase aos séculos XII e XIII, cando os cabaleiros hospitalarios de San Xoán contaban con diversas propiedades no Morrazo. A esta orde de cabalaría débeselle a fundación da igrexa, como así o amosa a súa marca identificatoria, unha cruz de oito puntas, presente no tímpano da igrexa. 

Nos seus laterais sobresaen os famosos canzorros románicos, con temas singulares como cuadrúpedos de cabeza humana, aves, proas, flores, figuras humanas, etc.


Share:


ARCHIVO RÍAS BAIXAS TRIBUNA

Edición 15 de Rías Baixas Tribuna ya está en puertas

La edición 15, edición impresa de RÍAS BAIXAS TRIBUNA está siendo ya elaborada desde este lunes. Temas de máximo interés están en la planill...


LOS MÁS POPULARES EN UN AÑO

RÍAS BAIXAS TRIBUNA

Buscar en RÍAS BAIXAS TRIBUNA

O noso peixe é de fiar

Empresas y autónomos confian

Empresas y autónomos confian
Gestradoc también obsequia a sus clientes con un ejemplar de RÍAS BAIXAS TRIBUNA

Apuesta por el mejor vino blanco

Galicia, tes que vivila

Galicia, tes que vivila

En Zaragoza, 14 - Vigo

En Zaragoza, 14 - Vigo
recoge aquí tu ejemplar de RÍAS BAIXAS TRIBUNA, obsequio de este establecimiento hasta agotar existencias

Para ir a las islas atlánticas...

Formulario de contacto

Nombre

Correo electrónico *

Mensaje *

Desde el corazón de Galicia

Nuestras ediciones impresas

Nuestras ediciones impresas

Galicia é Calidade

Nuestra última edición impresa

Nuestra última edición impresa

Newsletter

Translate